"Çelsi"nin yarımmüdafiəçisi Kiernan Devsbury-Hall klubu tərk edə bilər.
"Operativ Məlumat Mərkəzi-OMM" jurnalist Fabrizio Romanoya istinadən xəbər verir ki, futbolçuya uyğun gələn yaxşı təklif olarsa, “Çelsi” yanvarda futbolçunu buraxacaq.
Devsbury-Hall bu mövsüm İngiltərə Premyer Liqasında "Çelsi"nin heyətində cəmi 5 oyun keçirib və cəmi 55 dəqiqə meydanda qalıb.
Kiernanın klubla hazırkı müqaviləsi 30 iyun 2029-cu ilə qədərdir və onun transfer qiyməti 28 milyon avro olaraq qiymətləndirilir.
