"Macarıstan Avropa İttifaqı (Aİ) rəhbərliyinin Rusiyadan neft və qaz tədarükünə qadağa tətbiq etməsinə nail olması halında Aİ Məhkəməsinə iddia qaldıracaq".
"Operativ Məlumat Mərkəzi-OMM" xəbər verir ki, bu sözləri Macarıstanın xarici işlər və xarici iqtisadi əlaqələr naziri Peter Siyatro deyib.
Nazir xatırladıb ki, Avropa Komissiyası, Avropa Şurası və Avropa Parlamenti 2028-ci ilə qədər Rusiya enerji daşıyıcılarından imtina planı hazırlayıb.
“Əgər Brüsselin bu diktəsi hər hansı yekun qərara çevrilərsə, biz dərhal buna qarşı Avropa Məhkəməsində çıxış edəcəyik”, - o bildirib.
Siyatro vurğulayıb ki, Budapeşt Aİ-nin Rusiyadan neft və qazdan imtina planını qəbul etmir.
Nazir bildirib ki, ölkə Slovakiya ilə birlikdə iddia qaldırmağa hazırlıq aparır.
Bundan əvvəl Avropa Komissiyasının rəhbəri Ursula fon der Lyayen bildirmişdi ki, Avropa Rusiya qazından tamamilə imtina edir.
