Avropa İttifaqı (Aİ) Komissiyasının sədri Ursula fon der Leyen yeni sanksiyalarla Rusiyaya təzyiqləri artıracaqlarını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, fon der Leyen Albaniyada keçirilən Aİ və Aİ üzvü olmayan Avropa ölkələrindən ibarət Avropa Siyasi Birliyinin Zirvə Toplantısından əvvəl çıxış edib.
Avropa Siyasi Birliyinin Rusiya-Ukrayna müharibəsi başlayanda yaradıldığını xatırladan fon der Leyen bunun Avropa qitəsində sabitliyi təmin etməyi hədəflədiyini açıqlayıb.
Fon der Leyen Rusiya prezidenti Vladimir Putinin Ukrayna ilə Rusiya arasında birbaşa Türkiyədə görüş təklif etdiyini, Ukrayna prezidenti Vladimir Zelenskinin görüşə hazır olduğunu bildirdiyini, lakin Putinin iştirak etmədiyini xatırladaraq deyib: “Bu, prezident Putinin sülh istəmədiyini göstərir”.
