İngiltərədə hökumət növbəti ümumi seçkilərdə səsvermə yaşının 18-dən 16-ya endiriləcəyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
İngiltərə hökumətinin yaydığı yazılı bəyanatda, demokratiyanın müasirləşdirilməsi istiqamətində atılan addımlar çərçivəsində 16 yaşlı gənclərə ölkədə keçiriləcək bütün seçkilərdə səsvermə hüququnun veriləcəyi bildirilib.
Bəyanatda qeyd olunub ki, hazırda işləyən, vergi ödəyən və ordu sıralarında xidmət edən bu gənclərə, onları birbaşa təsir edən məsələlərdə söz haqqı tanınması məqsədəuyğundur.
Həmçinin qeyd edilib ki, bu plan dəyişən dünyada demokratik iştirakı artıracaq və İngiltərə demokratiyasına olan inamın yenidən bərpasına töhfə verəcək.
