Afət Ziyadqızı
İngiltərə Xarici İşlər Naziri David Lammi İsrailin 15 gündür Qəzzaya yardımların girişini əngəllənməsini beynəlxalq hüququn pozulması kimi qiymətləndirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Lammi Britaniya Parlamentinin İcmalar Palatasında Kanadada keçirilən G7 Xarici İşlər Nazirləri Toplantısı ilə bağlı qiymətləndirmələr edib.
İclasda üzvlərin Ukraynanı dəstəkləmək üçün ortaq zəmin üzərində görüşə bildiklərini ifadə edən Lammi, Rusiya ilə Ukrayna arasında atəşkəs məsələsinin müzakirə edildiyini bildirib.
Ukraynanın sülhün əldə edilməsində ciddi və səmimi olduğunu vurğulayan Lammi, "G7 müttəfiqlərimiz və biz Ukraynanın azadlığını müdafiəsinə sarsılmaz dəstək mövzusunda razıyıq",- deyə qeyd edib.
