"Hindistan və Braziliya Rusiyadan enerji daşıyıcıları tədarükündə maraqlıdır və ABŞ prezidenti Donald Trampın Rusiya neftinin alınmasını dayandırmaq tələbi ilə irəli sürdüyü təhdidlərə boyun əyməyəcək".
"Operativ Məlumat Mərkəzi-OMM" xəbər verir ki, Çin nəşri "Global Times" çinli ekspertlərin fikirlərinə istinadən məlumat yayıb.
“Trampın tətbiq etdiyi tariflər bir çox ölkələrə ciddi zərbə vurdu. Məhv edilməyi passiv şəkildə gözləməkdənsə, öz mövqeyində dayanmaq və bununla da itkiləri azaltmaq daha məqsədəuyğundur”, - məlumatda deyilir.
Ekspert Lü Syan vurğulayıb ki, hər bir dövlət öz qanuni maraqlarını müdafiə etmək hüququna malikdir və Braziliya ilə Hindistan da bu prinsiplə hərəkət edirlər. Bu da həmin ölkələrin müstəqil xarici siyasətə sadiqliyini əks etdirir.
