Almaniya "Nürnberq"inin hücumçusu Stefanos Tzimas karyerasını İngiltərədə davam etdirəcək.
"Operativ Məlumat Mərkəzi-OMM" xəbər verir ki, 19 yaşlı futbolçu "Brayton"a transfer olunub.
İngiltərə klubunun mətbuat xidmətindən verilən məlumata görə, futbolçu ilə uzunmüddətli müqavilə imzalanıb.
Müqavilə 2030-cu ilə qədər nəzərdə tutulub.
Transferin məbləği 25 milyon avro təşkil edib.
Tzimas ikinci Bundesliqanın cari mövsümündə 17 oyun keçirib. Hücumçu 10 qol vurub.
