Bu ilin aprel ayında Azərbaycanda gündəlik neft (kondensatla birlikdə) hasilatı 626 min barel olub.
"Operativ Məlumat Mərkəzi-OMM" Energetika Nazirliyinə istinadən xəbər verir ki, bunun 512 min barelini xam neft, 114 min barelini isə kondensat təşkil edib.
Xatırladaq ki, “OPEC plus” əməkdaşlığı çərçivəsində Azərbaycanın ixtisarlarla bağlı öhdəliyi gündəlik 33 min barel, gündəlik xam neft hasilatı üzrə kvotası isə 684 min bareldir.
