Avtomobildən pul oğurlamaqda şübhəli bilinən Masallı sakini saxlanılıb

Bakıda avtomobildən pul və mobil telefon oğurlamaqda şübhəli bilinən Masallı sakini saxlanılıb.

Bu barədə Operativ Məlumat Mərkəzi-OMM"ə DİN-dən bildirilib.

Qeyd edilib ki, Metropolitendə Polis İdarəsi əməkdaşlarının keçirdikləri əməliyyat tədbiri nəticəsində Səbail rayonu ərazisində “Nissan” markalı bir avtomobildən 1800 manat pul və mobil telefon oğurlamaqda şübhəli bilinən Masallı rayon sakini, əvvəllər məhkum olunmuş Renat Şahbazov saxlanılıb.

Araşdırma aparılır.