Afət Ziyadqızı
AVRO-2024-ün seçmə mərhələsində Avstriya ilə Azərbaycan milliləri arasında keçiriləcək oyunun hakimləri açıqlanıb.
"Operativ Məlumat Mərkəzi-OMM"-in məlumatına görə, UEFA F qrupunun ilk matçına Polşadan olan hakimlər briqadasını təyin edib.
Martın 24-də Linzdə baş tutacaq qarşılaşmanı Bartoş Frankovski idarə edəcək. Ona Marçin Boniek və Yakub Vinkler köməklik göstərəcəklər. Görüşdə ehtiyat hakim funksiyasını Damian Kos yerinə yetirəcək.
Qeyd edək ki, “Raiffeisen Arena”da keçiriləcək oyun Bakı vaxtı ilə saat 23:45-də başlayacaq.
