Avropa Komissiyası "Gucci", "Chloé" və "Loewe" moda şirkətlərini ümumilikdə 157 milyon avrodan çox cərimələyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, buna səbəb sözügedəb şirkətlərin yenidən satış qiymətlərini müəyyən etməsi, yəni Aİ-nin rəqabət qaydalarını pozmasıdır.
Araşdırma nəticəsində müəyyən edilib ki, bu üç şirkət əməkdaşlıq etdikləri müstəqil pərakəndə satıcıların öz qiymətlərini sərbəst müəyyən etmələrini məhdudlaşdırıblar.
Qeyd olunub ki, bu cür rəqabətə zidd davranış da qiymətlərin qalxmasına və istehlakçılar üçün seçim imkanlarının azalmasına səbəb olur.
