"Avropa İttifaqı (Aİ) Ukraynadan yardım üçün kompensasiya olaraq təbii sərvətlər tələb etməyəcək".
"Operativ Məlumat Mərkəzi-OMM" xarici KİV-ə istinadən xəbər verir ki, bu sözləri Avropa Şurasının rəhbəri Antonio Kosta deyib.
"Son üç ildə Avropa İttifaqı Ukraynaya dəstək verən böyük donor olub və biz bunu Ukrayna, ukraynalılar, həmçinin Avropanın təhlükəsizliyi üçün edirik və Ukraynadakı təbii sərvətlərin heç birini geri almırıq. Ukrayna suveren ölkədir və öz ərazisini idarə etmək və beynəlxalq danışıqlar aparmaq üçün suveren hüququ var", - deyə o bildirib
