Afət Ziyadqızı
BMT Təhlükəsizlik Şurasında Suriyanın xarici işlər naziri Əsəd Həsən Şeybaninin iştirakı ilə Suriyadakı hadisələrlə bağlı sessiya keçirilib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Burada çıxış edən ABŞ-ın BMT-dəki daimi nümayəndəliyinin müvəqqəti işlər vəkili Doroti Şi ABŞ-ın “Suriya müvəqqəti administrasiyasının” hərəkətlərini yaxından izləməkdə davam etdiyini və administrasiyadan gözlədikləri müəyyən addımların olduğunu bildirib.
"Ümid edirik ki, martın sonunda elan edilən müvəqqəti kabinet müsbət addımdır. Bununla belə, dəfələrlə qeyd etdiyimiz kimi, əsas vəzifələrə daha ixtisaslı və təmsilçi şəxslərin təyin olunmasını və əlavə addımların atılmasını gözləyirik",- deyə o qeyd edib.
