ABŞ Prezidenti Donald Tramp bəyan edib ki, Birləşmiş Ştatlar Rusiya Prezidenti Vladimir Putinin “hər şeyə sahib olmasını” istəmir.
"Operativ Məlumat Mərkəzi-OMM" xəbər verir ki, Dövlət başçısı bu fikirləri Ağ Evdə NATO-nun baş katibi Mark Rutte ilə birgə keçirdiyi mətbuat konfransında səsləndirib.
“Mən həmişə hiss etmişəm ki, Putin təkcə bir parça deyil, hər şeyi istəyir. Biz onun hər şeyə sahib olmasını istəmirik”, – Tramp qeyd edib.
ABŞ lideri həmçinin Vaşinqtonun Rusiya və Ukrayna arasındakı münaqişədən narazı olduğunu vurğulayıb və bildirib ki, münaqişənin uzanması qlobal sabitliyə mənfi təsir göstərir.
