ABŞ-də sürətlə artan milli borcun nəzarət altına alınmasa, gələcək illərdə ölkə iqtisadiyyatının həcminə, məşğulluğa, investisiyalara və maaşlara mənfi təsir göstərəcəyi gözlənilir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Beynəlxalq kredit reytinqi agentliyi Moody's ABŞ-nin kredit reytinqini "Aaa"dan "Aa1"ə endirib və buna səbəb kimi dövlət borcunun və faiz ödənişlərinin artması ilə ölkənin daha ağır borc yükünü yenidən gündəmə gətirib.
Dünyanın ən böyük iqtisadiyyatı olan ABŞ-də xərclər və gəlirlər arasındakı struktur disbalans milli borcun sürətlə artmasına səbəb olur və mövcud tendensiya davam edərsə, qarşıdakı illərdə iqtisadi artımın yavaşlaması, milyonlarla insanın işini itirməsi, investisiyaların azalması riski var.
Son 100 ildə ABŞ-nin federal borcunun 1924-cü ildəki 395 milyard dollardan 2024-cü ildə 35,46 trilyon dollara yüksəldiyi qeyd edilir.
