OMM Redaksiyası
ABŞ-nin Kaliforniya ştatının cənubundakı San Dieqo körfəzində orduya məxsus helikopterin təlim zamanı qəzaya uğradığı bildirilib.
"Operativ Məlumat Mərkəzi-OMM" xəbər verir ki, bu barədə ABŞ-nin Dəniz Donanmasının Sakit Okean Hava Donanmasından məlumat verilib.
Belə ki, yerli vaxtla saat 19:30 radələrində "Sikorsky SH-60 Seahawk" tipli hərbi helikopterin San Dieqo körfəzinə düşdüyü açıqlanıb.
Şərhdə, təhlükəsizlik tədbirləri daxilində təcili yardım qruplarının əraziyə yaxın yerləşdiyi vurğulanıb və helikopterdə olan 6 nəfərin xilas edildiyi qeyd edilib.
Səhhəti açıqlanmayan ekipajın hərbi sağlamlıq mərkəzinə köçürüldüyü paylaşılıb.
