Misli Premyer Liqasının XV turunda "Sumqayıt"la keçirilən oyunda zədələnən "Zirə"nin futbolçusu Rafael Utziq ilin sonunadək meydana çıxmayacaq.
Bu barədə "Operativ Məlumat Mərkəzi-OMM"-ə klubun mətbut xidmətinin rəhbəri Elmar Abdullazadə məlumat verib.
Klub rəsmisi braziliyalı hücumçunun durumu barədə danışıb:
"Müayinədən sonra futbolçunun cari ili başa vurduğu məlum olub. Lakin hadisələr müsbət yöndə cərəyan edərsə, Utziq ilin sonunda 1 görüşdə meydana çıxa bilər. Amma bu ehtimal olduqca aşağıdır".
Qeyd edək ki, Rafael Utziq "Sumqayıt"a qalib gəldikləri (4:1) oyunun 22-ci dəqiqəsində zədələndiyi üçün Eldar Quliyevlə əvəzlənib.
