"ABŞ Azərbaycanın İkinci Qarabağ müharibəsindəki təcrübəsi ilə maraqlanır".
"Operativ Məlumat Mərkəzi-OMM" xəbər verir ki, bunu Azərbaycanın müdafiə naziri, general-polkovnik Zakir Həsənov CBC telekanalına müsahibəsində bildirib.
“Müavinim, Hərbi Hava Qüvvələrinin komandanı ABŞ-da olub. O, orada ordu rəhbərliyinin nümayəndələri ilə görüşüb. Gündəmdə əməkdaşlıq, qarşılıqlı fəaliyyət məsələləri var. Daha artığını deyəcəyəm. Bu, sirr deyil, onlar İkinci Qarabağ müharibəsindəki hərbi təcrübəmizlə maraqlanırlar”, - Z.Həsənov deyib.
