Afət Ziyadqızı
Yunanıstanın baş naziri Kiriakos Mitsotakis Rusiyanı Avropanın “düşməni” adlandırıb və Avropa Xalq Partiyasının konfransında Ukraynanı dəstəkləməyə davam edəcəyinə söz verib.
"Operativ Məlumat Mərkəzi-OMM" xəbər verir ki, bu barədə ölkənin ictimai televiziyası ERT məlumat yayıb.
"Avropa üçün bu qaranlıq zamanda biz vahid cəbhə ilə Ukraynanı dəstəkləmək əzmimizdə olduğumuzu göstərdik", - deyə siyasətçi vurğulayıb.
Mitsotakisin sözlərinə görə, Yunanıstan Ukraynanı həm iqtisadi, həm də hərbi cəhətdən dəstəkləməyə davam edəcək.
