Yaponiyanın qərbində həftə sonundan bəri davam edən meşə yanğınları 600 hektardan çox ərazini yandırıb.
"Operativ Məlumat Mərkəzi-OMM" xəbər verir ki, bu barədə NHK dövlət televiziyası məlumat yayıb.
Məlumata görə, Yaponiyanın qərbində davam edən meşə yanğınları Ehime prefekturasında 306 hektardan çox, Okayama prefekturasında isə 310 hektardan çox ərazini məhv edib.
Yanğından zərər çəkmiş ərazilərdə yaşayan minlərlə insan üçün təxliyə əmri verilib.
Xilasedici qüvvələr səylərə baxmayaraq, alovların idarə oluna bilmədiyini və yaşayış məntəqələrinə yaxınlaşdıqlarını açıqlayıb.
