Afət Ziyadqızı
Serbiya Prezidenti Aleksandr Vuçiç, Avropa Parlamentinin (AP) Serbiya ilə bağlı qəbul etdiyi tənqidi qətnaməni "rəngli inqilab məntiqinə uyğun" adlandırıb.
"Operativ Məlumat Mərkəzi-OMM" xəbər verir ki, bu barədə RIA Novosti məlumat yayıb.
Qətnamədə Avropa Parlamenti Serbiyanın Avropa İttifaqına (Aİ) üzvlük prosesinin dayandırılmasını tələb edir. Səbəb kimi Belqradın Rusiyaya qarşı sanksiyalar tətbiq etməməsi göstərilir.
Sənəd həmçinin 2024-cü ilin noyabrında Novi Sadda keçirilən etirazlara Serbiya hökumətinin reaksiyasını tənqid edir və bu reaksiyanı Aİ dəyərləri ilə ziddiyyətli sayır.
Prezident Vuçiç bildirib ki, bu qətnamə Avropa İttifaqının Serbiyaya qarşı siyasi təzyiq vasitəsi kimi istifadə olunur və daxili sabitliyi pozmaq məqsədi güdür.
