Afət Ziyadqızı
Ukraynadakı nəzarət-buraxılış məntəqələrində səyahət kateqoriyasında olan kişilərin xaricə çıxmasına icazə verilməyib.
"Operativ Məlumat Mərkəzi-OMM" xəbər verir ki, bu barədə Ukraynanın “Strana.ua” nəşrinin Teleqram kanalında məlumat verilib.
Nəşrin yazdığına görə, dekabrın 29-dan etibarən Ukrayna-Polşa sərhədində keçid səyahət edən kişilər üçün kifayət qədər mürəkkəbləşib.
Bundan əvvəl Ukrayna dövlət xidməti ukraynalıların ölkədən qanunsuz çıxarılması ilə mübarizənin nəticələrini dərc etmişdi.
Ukrayna sərhədçilərinin sözlərinə görə, onlar 2023-cü ildə Ukrayna vətəndaşlarının xaricə qanunsuz getməsinə nəzarət edən 220 icmanın üzə çıxarılmasına nail olublar. Polis sərhədi qanunsuz keçmə ilə bağlı 1,6 mindən çox cinayət işi açıb. Sərhədi pozanların çoxu keçid məntəqələrindən kənarda sərhədi keçməyə cəhd edərkən saxlanılıb.
