Afət Ziyadqızı
Kiyev Ukrayna ərazisindən qaz tranziti üçün Rusiya ilə müqavilənin uzadılması imkanını rədd edib.
"Operativ Məlumat Mərkəzi-OMM" xəbər verir ki, bu barədə Ukrayna hökumətinin mətbuat xidməti məlumat yayıb.
"Ukraynanın baş nazirinin slovakiyalı həmkarına [Robert Fikoya] məlumat verdiyi kimi, daşıma müqaviləsi bu ilin sonunda başa çatır, biz ruslarla danışıqlar aparmağı və müqaviləni yeniləməyi planlaşdırmırıq", - Ukrayna hökumətinin mətbuat xidməti bildirib.
Qurum, həmçinin Aİ ölkəsi ilə Ukraynanın qaz nəqli şəbəkəsindən istifadəni müzakirə edə biləcəklərini də vurğulayıb.
Rusiya qazının Ukrayna ərazisindən tranzitinin 2025-ci ildə də davam edə biləcəyi faktını daha əvvəl sosial şəbəkələrdə Slovakiyanın baş naziri Robert Fiko bildirib. Onun sözlərinə görə, müvafiq razılıq onun ukraynalı həmkarı Denis Şmıqalla görüşündə əldə olunub.
Fikonun sözlərinə görə, Slovakiya qaz tranzitini davam etdirə biləcək ki, bu da “Avstriya və İtaliyaya fayda verəcək”.
