Afət Ziyadqızı
Parisdə bir sıra ölkə və təşkilat rəhbərlərinin iştirakı ilə Ukrayna ilə bağlı fövqəladə iclasda bir sıra məsələlərdə kəskin fikir ayrılıqları yaranıb.
"Operativ Məlumat Mərkəzi-OMM" xəbər verir ki, bu barədə “Financial Times” (FT) məlumat yayıb.
Liderlər Ukraynaya sülhməramlıların göndərilməsi də daxil olmaqla, gələcək fəaliyyətlə bağlı razılığa gələ bilməyiblər.
Avropa ölkələri başçılarının bu mühüm görüşü zamanı Ukraynaya qoşun yeridilməsi ilə bağlı mübahisə yaranıb. Almaniya, İtaliya, Polşa və İspaniya fevralın 17-də Ukraynaya sülhməramlı qüvvələr göndərmək istəmədiklərini deyiblər.
Böyük Britaniya gələcək sülh sazişinin həyata keçirilməsini təmin etmək üçün öz qoşunlarını Ukrayna ərazisinə yerləşdirməyə hazır olduğunu bildirib.
Görüş zamanı verilən məlumatlara görə, Fransa gələcək təmas xətti boyunca qoşun yerləşdirməyi təklif edib.
