Afət Ziyadqızı
Ukrayna Rusiyanın təcavüzünü dəstəklədiklərinə görə daha 291 hüquqi və 191 fiziki şəxsə qarşı sanksiyalar tətbiq edib.
"Operativ Məlumat Mərkəzi-OMM" UNİAN-a istinadən xəbər verir ki, Ukrayna Prezidenti Vladimir Zelenski bununla bağlı fərman imzalayıb.
Sənədə əsasən, Rusiya, Gürcüstan, Qazaxıstan, Kipr və Belarusdan olan 291 müəssisə, təşkilat, quruma qarşı 5-10 il müddətinə sanksiyalar tətbiq edilib. Sanksiyalar tətbiq olunan şirkətlər arasında Gürcüstanın hava yolu şirkəti "Georgian Airways"də var.
Qeyd edək ki, "Georgian Airways" Rusiya Federasiyası ilə əlaqəni iyunun 15-dən bərpa edib.
Fiziki şəxslərin siyahısında əsasən Rusiya Federasiyasının vətəndaşları olsa da, lakin Belarus və Gürcüstan vətəndaşları da var.
Fərman dərc edildiyi gündən qüvvəyə minir.
