Türkiyədə son iki həftə ərzində keçirilən genişmiqyaslı antiterror əməliyyatı zamanı İŞİD terror qruplaşması ilə əlaqədə şübhəli bilinən 153 nəfər saxlanılıb.
"Operativ Məlumat Mərkəzi-OMM" xəbər verir ki, bu barədə Türkiyənin daxili işlər naziri Əli Yerlikaya "X" sosial şəbəkəsində paylaşım edib.
Onun sözlərinə görə, əməliyyatlar ölkənin 28 vilayətində, o cümlədən ən böyük şəhərlər - İstanbul, İzmir, Antalya və Bursada keçirilib.
Yerlikaya terror strukturlarına qarşı mübarizənin qətiyyətlə və güzəştə getmədən davam edəcəyini vurğulayıb.
