Türkiyə regionda yeni bir qeyri-sabitlik mənbəyinin yaranmasını və ABŞ-ın İrana hücum etməsini istəmir.
"Operativ Məlumat Mərkəzi-OMM" xəbər verir ki, bu barədə Türkiyə xarici işlər naziri Hakan Fidan "Reuters"-ə açıqlamasında bildirib.
"Bölgəmiz daha bir müharibəyə, başqa bir əsas qeyri-sabitlik mənbəyinə tab gətirə bilməz. Və belə bir hücum baş verərsə, hansı eskalasiyanın ola biləcəyini bilmirik. Buna görə də biz ABŞ-ın İrana hücum etməsini istəmirik. Biz keçmişdə olduğu kimi hər iki iştirak edən tərəflər arasında sülh danışıqlarını görməliyik",- deyə o, qeyd edib.
