Türkiyə Rusiyaya 316,8 min ədəd yumurtadan ibarət ilk partiyanı tədarük edib.
"Operativ Məlumat Mərkəzi-OMM" xəbər verir ki, bu barədə "Rosselxoznadzor" məlumat yayıb.
“Rusiyaya Türkiyədən yanvarın 3-də yumurtanın 19,36 ton (316,8 min ədəd) həcmində ilk partiyası “Yaraq-Qazmalar” keçid məntəqəsi vasitəsilə idxal edilib”, - məlumatda qeyd edilib.
Dekabrın sonunda agentlik bildirib ki, “Rosselxoznadzor” 29 dekabr 2023-cü il tarixindən Türkiyənin altı müəssisəsindən inkubator yumurtası tədarük etməyə başlayıb.
Qeyd edək ki, Azərbaycan da Rusiyaya yumurta tədarük edir.
Azərbaycandan yumurtanın 36 ton (612 min ədəd) həcmində ilk tədarükü dekabrın 19-da baş tutub. İkinci tədarük dekabrın 21-də 18 ton (306 min ədəd) həcmində olub. Dekabrın 25-də Azərbaycandan Rusiyaya 306 min ədəd yumurtanın üçüncü partiyası idxal edilib.
