Oktyabrda Kazanda keçiriləcək BRİKS sammiti Türkiyə üçün çox mühüm hadisədir.
"Operativ Məlumat Mərkəzi-OMM" xəbər verir ki, bunu Türkiyə Böyük Millət Məclisinin (TBMM) sədri Numan Kurtulmuş Rusiya Xarici İşlər Nazirliyinin Diplomatik Akademiyasında çıxışı zamanı deyib.
“Bu, həm də bizim üçün çox mühüm hadisə olacaq. Biz BRİKS-ə üzvlük məsələsini də nəzərdən keçiririk”, - deyə o əlavə edib.
Xatırladaq ki, bundan əvvəl Türkiyənin xarici işlər naziri Hakan Fidan Ankaranın BRİKS-ə qoşulmaqda maraqlı olduğunu təsdiqləyib.
