''Trampın fikirləri müqavilələri dəyişə bilməz''

ABŞ pPezidenti Donald Trampın 2026-cı il Dünya Çempionatının oyunlarının şəhərdən kənara köçürülməsi ilə bağlı dediklərini şərh edən Boston meri Mişel Vu mövcud hüquqi müqavilələrin qüvvədə olduğunu bildirib.

"Operativ Məlumat Mərkəzi-OMM" xəbər verir ki, bu barədə ''Reuters'' onun sözlərini sitat gətirib.

“Heç kimin, o cümlədən Ağ Evin indiki prezidentinin onları dəyişdirmək hüququ yoxdur”, – deyə mer qeyd edib.

Xatırladaq ki, Donald Tramp “təhlükəsiz şərtlər” səbəbindən dünya çempionatı oyunlarının Bostondan başqa şəhərə köçürülə biləcəyini açıqlamışdı.

Boston oktyabrın əvvəlində Fələstinlə bağlı beynəlxalq münaqişə fonunda iğtişaşlarla üzləşib. Aksiyalar zamanı dörd hüquq-mühafizə orqanı əməkdaşı xəsarət alıb.

Qeyd edək ki, Bostonun 2026-cı il futbol üzrə dünya çempionatı çərçivəsində yeddi oyuna ev sahibliyi etməsi planlaşdırılır.