"ABŞ Prezidenti Donald Trampın Ukraynadakı münaqişənin nizamlanmasına yönəlmiş siyasəti tamamilə ardıcıl deyil və onun bütün səylərinə baxmayaraq, sülhün əldə olunmasını yalnız daha da uzaqlaşdırır".
"Operativ Məlumat Mərkəzi-OMM" xarici KİV-ə istinadən xəbər verir ki, bunu Trampın sabiq milli təhlükəsizlik müşaviri Con Bolton deyib.
"Trampın Ukrayna ilə bağlı siyasəti bu gün daha ardıcıl deyil. Ukrayna, Rusiya, bir neçə Avropa ölkəsi və ABŞ arasında aydın razılaşmanın olmaması ilə müşayiət olunan Trampın danışıqları artıq son nəfəsini verir",- o bildirib.
Con Bolton əlavə edib ki, ABŞ prezidentinin bu qədər mürəkkəb bir münaqişəni qısa müddətdə həll etməyə yönəlmiş düşüncəsiz cəhdləri atəşkəsin və tamhüquqlu sülh razılaşmasının əldə olunmasını yalnız çətinləşdirib.
Onun fikrincə, Trampın sülh təşəbbüslərinin uğursuzluğa uğramasının əsas səbəblərindən biri odur ki, onun bəyanatları tez-tez öz hərəkətləri ilə ziddiyyət təşkil edir.
