ABŞ Prezidenti Donald Tramp “Time” jurnalının üz qabığında dərc olunan fotoya görə onu tənqid edib.
"Operativ Məlumat Mərkəzi-OMM" xəbər verir ki, o, qəzəbini şəxsi sosial media platforması olan Truth Social-da paylaşıb.
Amerika liderinin sözlərinə görə, nəşr uğursuz foto seçib və o, bunu indiyə qədər çəkilmiş ən pis foto hesab edib.
O, iddia edib ki, redaktorlar onun saçını siliblər və üstünə kiçik, üzən tac əlavə ediblər ki, bu da “çox qəribə” görünür.
Buna baxmayaraq, Tramp onun haqqında yazılan məqalənin “olduqca yaxşı” olduğunu qeyd edib. Dövlət başçısı görüntünün aşağı bucaqdan çəkilməsindən də narazılığını bildirib və bunu əlverişsiz hesab edib.
"Mən heç vaxt aşağı bucaqdan şəkil çəkdirən biri olmamışam, amma bu şəkil tamamilə dəhşətlidir və sərt tənqid edilməlidir. Onlar nə edirlər və niyə?",- Tramp yazıb.
Amerikanın “Time” jurnalı İsrail və Fələstin HƏMAS hərəkatı Qəzzada atəşkəs razılaşması əldə etdikdən sonra ABŞ Prezidentini üz qabığına çəkib.
