Tramp ölkənin qabaqcıl texnologiya şirkətlərinin yüksək vəzifəli rəhbərlərini Ağ Evdə təşkil olunan axşam yeməyində qonaq edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tesla və SpaceX-in sahibi, həmçinin Trampa yaxınlığı ilə tanınan Mask, bu yeməkdə iştirak etməyib.
Tramp yemək zamanı etdiyi çıxışda xüsusilə süni intellekt sahəsindəki investisiyaları tərifləyib və ABŞ-nin bu sahədə Çindən öndə olduğunu bildirib.
Yeməkdə çıxış edən şirkət rəhbərləri də Trampa göstərdiyi dəstəyə və texnologiya sahəsindəki investisiyalara verdiyi töhfəyə görə təşəkkürlərini bildiriblər və süni intellekt sahəsindəki yeni layihələrindən danışıblar.
Əvvəldən mediaya qapalı keçiriləcəyi açıqlanan proqram, yeməyə az qalmış mediaya açıq elan edilib və bununla da kameralar Trampla texnologiya liderlərini birlikdə görüntüləyə biliblər.
