İyunun 12-də Hindistanda “Air İndia” aviaşirkətinə məxsus təyyarənin qəzaya uğraması ilə bağlı aparılan istintaqda “təxribat” da daxil olmaqla bütün ehtimallar nəzərdən keçirilir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Hindistanın Mülki Aviasiya naziri Murlidhar Mohol verdiyi açıqlamada təyyarənin qara qutusunun tədqiqinin davam etdiyini bildirib.
Mohol qeyd edib ki, qara qutu ekspertiza üçün xaricə göndərilməyəcək.
O, ölkədə təhqiqatın yekunlaşacağını bildirib və təyyarə qəzasının səbəblərinin araşdırılmasında "təxribat" da daxil olmaqla bütün ehtimalların qiymətləndirildiyini vurğulayıb.
Mohol qeyd edib ki, təhqiqat hesabatı açıqlandıqdan sonra qəzanın yanacaq problemi, yoxsa hər iki mühərrikin nasazlığı səbəbindən baş verdiyi məlum olacaq.
Qeyd edək ki, təyyarə qəzası nəticəsində 260 nəfər həyatını itirib.
