"Rusiya və Ukrayna arasında yüksək səviyyəli təmasları indi planlaşdırmaq olmaz, çünki Kiyev danışıqları dayandırıb".
"Operativ Məlumat Mərkəzi-OMM" xəbər verir ki, bu sözləri Kremlin sözçüsü Dmitri Peskov deyib.
"Hazırda danışıqlar prosesində fasilə var. Bu, yüksəksəviyyəli təmaslara hazırlaşa bilən ekspert səviyyəsində danışıqlar prosesidir. Yüksəksəviyyəli təmaslar tək başına son ola bilməz, çünki onlar belə mürəkkəb və çətin məsələnin həllinə kömək etməyəcək. Təəssüf ki, biz hazırda Ukrayna tərəfi ilə belə bir görüşü hazırlaya bilmirik, çünki Kiyev rejimi danışıqlar prosesini, İstanbul prosesini davam etdirməyə, təqdim olunan sənədlər layihəsinə cavab verməyə və üç işçi qrupunun yaradılması təklifinə cavab verməyə tələsmir”, - o bildirib.
