Suriyanın xarici işlər naziri Əsəd əş-Şibani ötən il İslamçı qüvvələrin Dəməşqdə hakimiyyətə gəlməsindən sonra ilk rəsmi səfəri üçün cümə axşamı Vaşinqtona gələcək.
"Operativ Məlumat Mərkəzi-OMM" xəbər verir ki, bu, son 25 ildən artıq müddətdə Suriyadan ABŞ-yə edilən ilk yüksək səviyyəli diplomatik səfər olacaq.
Senator Lindsey Qraham bildirib ki, səfər çərçivəsində nazir ABŞ Konqresinin üzvləri ilə görüşlər keçirəcək. Görüşlərin əsas mövzusu isə Suriyaya qarşı tətbiq olunan ABŞ sanksiyalarının ləğvi məsələsinin müzakirəsi olacaq.
Qeyd edək ki, ABŞ Suriyaya qarşı son illərdə bir sıra sanksiyalar tətbiq edib. Bu tədbirlər əsasən insan haqlarının pozulması, daxili münaqişələr və terrorçuluqla əlaqədar addımlarla əsaslandırılıb.
