Şimali Koreya yanvarın 6-da Sarı dəniz istiqamətində 60-a yaxın artilleriya mərmisi atıb.
"Operativ Məlumat Mərkəzi-OMM" Cənubi Koreyanın “Yonhap” xəbər agentliyinə istinadən xəbər verir ki, bu barədə Koreya Respublikasının Silahlı Qüvvələrinin Baş Qərargah Rəisləri Komitəsi məlumat yayıb.
Qeyd edək ki, bundan əvvəl, yanvarın 5-də komitə KXDR sahil artilleriyasının Sarı dənizdə yerləşən Yonphyondo və Pennyondo adalarına doğru 200-dən çox mərmi atdığını məlumat vermişdi.
