Afət Ziyadqızı
Moldova Prezidenti Maia Sandu bəyan edib ki, Rusiya guya əsas hökumət postlarına sadiq şəxsləri yerləşdirməklə ölkədə öz təsirini bərpa etməyə çalışır.
"Operativ Məlumat Mərkəzi-OMM" xəbər verir ki, onun sözlərini "Omniapress" sitat gətirib
O, iddia edir ki, hazırda Rusiya Moldovaya “çata bilmir”, çünki Ukrayna “müqavimət göstərir”.
"Lakin siyasi və strateji risk yüksək olaraq qalır. Moskva əsas qurumlarda vətəndaşlarımızın maraqlarına uyğun hərəkət etməkdənsə, Kremlin göstərişlərini yerinə yetirəcək sadiq şəxsləri yerləşdirməyə çalışır", - Sandu bildirib.
Dövlət başçısının sözlərinə görə, Rusiya guya Moldovanı Ukrayna, Rumıniya və regionun digər ölkələrinə qarşı istifadə etməyə çalışır. Əgər “nəzarət qurularsa” respublika “boz zonaya” çevrilə bilər”, - deyə Sandu xəbərdarlıq edib.
