"Samsung Galaxy AI" xüsusiyyətlərini "Galaxy Watch" və "Galaxy Fit fitnes" lentlərində işləmək üçün uyğunlaşdırır və onları "Galaxy Ring"də də tətbiq etməyi planlaşdırır.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Samsung2un icraçı direktoru Tae Moon Ronun sözlərinə görə, yaxın gələcəkdə “Galaxy” geyilən qurğular “rəqəmsal sağlamlığı yaxşılaşdırmaq və qabaqcıl ağıllı sağlamlıq idarəetmə imkanlarının tamamilə yeni dövrünü açmaq” üçün istifadə olunacaq süni intellektlə təchiz ediləcək.
O, həmçinin qeyd edir ki, "Galaxy AI"-nin hazırkı versiyası "yalnız başlanğıcdır" və şirkətin hələ həyata keçirilməmiş bir çox ideya və konsepsiyası var.
"Samsung Galaxy S24" smartfonlarının istifadəyə verilməsi ilə "Galaxy AI" funksiyaları istifadəçilərin ixtiyarına verildi. Bu funksiyalar onlara müxtəlif üslublarda mətnləri yenidən yazmağa, böyük mətnlərdən xülasələr çıxarmağa, səs yazıcısından yazıları transkripsiya etməyə və s. imkan verir.
