Afət Ziyadqızı
Ukrayna gecə və səhər saatlarında 58 pilotsuz uçuş aparatı (PUA) ilə Rusiya ərazisinə hücum etməyə cəhd edib.
"Operativ Məlumat Mərkəzi-OMM" xəbər verir ki, bu barədə Rusiya Müdafiə Nazirliyi bildirib.
“Martın 13-nə keçən gecə və səhər saatlarında Kiyev rejiminin Rusiya Federasiyası ərazisindəki hədəflərə təyyarə tipli PUA-lardan istifadə edərək terror hücumu cəhdlərinin qarşısı alınıb”.
Açıqlamada Rusiya hava hücumundan müdafiə sistemlərinin ümumilikdə 58 PUA hücumuna müqavimət göstərdiyi qeyd edilib və 11 PUA-nın Belqorod bölgəsində, 8-i Bryansk bölgəsində, 29-u Voronej bölgəsində, 8-i Kursk bölgəsində məhv edildiyi paylaşılıb.
