Rusiya ordusu Luqansk vilayətinin 99,7 faizini, Donetsk vilayətinin 79 faizini, Zaporojye vilayətinin 74 faizini və Xerson vilayətinin 76 faizini ələ keçirib.
"Operativ Məlumat Mərkəzi-OMM" TASS-a istinadən xəbər verir ki, bunu Rusiya Silahlı Qüvvələrinin (SQ) Baş Qərargah rəisi Valeri Gerasimov bildirib.
O, Rusiya ordusunun uğurlu əməliyyatlarının əsasını yüksək dəqiqlikli silahların, raketlərin, sursatların və digər hərbi texnikanın vaxtında tədarükü ilə izah edib.
Onun sözlərinə görə, yaz-yay dövründə ümumilikdə 76 mühüm obyektə zərbə endirilib, prioritet raket kompleksləri və PUA istehsalı müəssisələrinə verilib.
Gerasimov əlavə edib ki, Ukrayna Silahlı Qüvvələri yaz-yay aylarında bütün səylərini Rusiya ordusunun hücumunu ləngitməyə yönəldib, lakin itkilər verir və strateji təşəbbüs tamamilə Rusiya ordusunun əlindədir.
