Rusiya Silahlı Qüvvələrinin hərbçiləri Ukraynanın Dnepropetrovsk vilayətinin Novopetrovskoye kəndini nəzarətə götürüblər.
"Operativ Məlumat Mərkəzi-OMM" bu barədə Rusiya Müdafiə Nazirliyinin istinadən xəbər verir.
Müdafiə Nazirliyindən verilən məlumata görə, döyüş tapşırığını “Şərq” qoşun qruplaşmasının bölmələri yerinə yetirib. Bundan əlavə, rus qoşunları son bir həftə ərzində Dnepropetrovsk vilayətinin Xoroşe və Sosnovka yaşayış məntəqələrini nəzarətə götürüb.
Nazirlik qeyd edib ki, Rusiya Silahlı Qüvvələri Ukrayna Silahlı Qüvvələrinin dörd mexanikləşdirilmiş briqadasını, həmçinin dəniz piyadaları briqadasını və üç ərazi müdafiə briqadasını məğlub edib.
"Ukrayna Silahlı Qüvvələrinin bu istiqamətdə itkiləri 1640-dan çox hərbçi, bir tank, 18 zirehli döyüş maşını, 68 avtomobil və 10 səhra artilleriya qurğusu olub", - məlumatda deyilir.
