Afət Ziyadqızı
Rusiyanın Kiyevdə yaşayış binasının raketlə vurması nəticəsində ölənlərin sayı 3 nəfərə çatıb.
"Operativ Məlumat Mərkəzi-OMM" “Unian“a istinadən xəbər verir ki, bu barədə Ukraynanın daxili işlər naziri İqor Klimenko bildirib.
08:21***
Rusiya Silahlı Qüvvələri Ukrayna paytaxtına raketlərlə hücum edib.
"Operativ Məlumat Mərkəzi-OMM"-in yerli mətbuata istinadən verdiyi məlumata görə, bu barədə Kiyev şəhər hərbi administrasiyasının rəhbəri bildirib.
Raketlərdən biri çoxmərtəbəli binaya düşüb.
Hadisə nəticəsində 2 nəfər ölüb, 8 nəfər yaralanıb.
Bundan əlavə, iki nəfər xəstəxanaya yerləşdirilib, qalanlarına yerində tibbi yardım göstərilib.
Dayanacaqda saxlanılan 40-a yaxın avtomobilə də ziyan dəyib.
