Rusiya Yeni Kaledoniyanın statusu ilə bağlı razılaşmanı kompromis adı altında Fransanın ərazi üzərində nəzarətini saxlamaq cəhdi hesab edir.
"Operativ Məlumat Mərkəzi-OMM" Rusiya mətbuatına istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Onun fikrincə, formal suverenliyin verilməsi yalnız yerli əhalinin zərərinə demoqrafik balansı dəyişməyə yönəlmiş taktiki addım ola bilər.
Qeyd edək ki, Fransada saziş bağlanıb və ona əsasən Yeni Kaledoniya dəniz kənarındakı ərazi statusunu saxlayacaq, lakin öz vətəndaşlığına və beynəlxalq münasibətlərə qismən nəzarətə malik yeni dövlət elan ediləcək. Buna baxmayaraq, sənədin qüvvəyə minməsi üçün o, Fransada parlamentin təsdiqindən keçməli və Yeni Kaledoniyanın özündə referendumda dəstək almalıdır.
