Rusiya ilə Ermənistan arasında müdafiə sahəsində əməkdaşlıq üzrə demək olar ki, bütün sazişlər səmərəli və vaxtında yerinə yetirilib.
"Operativ Məlumat Mərkəzi-OMM" xəbər verir ki, bu barədə Rusiyanın Ermənistandakı səfiri Sergey Kopırkin "TASS" agentliyinə müsahibəsində bildirib.
"Rusiya Federasiyası ilə Ermənistan Respublikası arasında 2013-cü il iyunun 25-də imzalanmış sazişə əsaslanan ikitərəfli müdafiə əməkdaşlığı ənənəyə söykənir. Demək olar ki, əvvəllər imzalanmış bu tipli sazişlərin hamısı ya səmərəli və vaxtında yerinə yetirilib”, - deyə rusiyalı diplomat qeyd edib.
Kopırkin Moskva və İrəvan arasında əlavə sazişlərin imzalanmasını müzakirə etdiyini də vurğulayıb. “Müdafiə sahəsində əməkdaşlıq sahəsində yeni sazişlər müzakirə olunur”, - deyə o bildirib və əlavə edib ki, hazırda Rusiya və Ermənistanın müvafiq dövlət qurumları bütün müvafiq iş nüanslarını sıralayır.
