İspaniya Kral Futbol Federasiyasının İntizam komitəsi braziliyalı hücumçu Vinisiusu “Valensiya”nın qapıçısı Stole Dimitrievskini itələdiyinə görə iki oyunluq diskvalifikasiya edib və cərimələyib.
"Operativ Məlumat Mərkəzi-OMM"-in xəbərinə görə, bu barədə Federasiyanın Mətbuat xidməti məlumat yayıb.
İspaniya çempionatının XII turunun matçında Vinisius "Valensiya"nın qapıçısı Dimitrievskini itələyərək yerə yıxıb və matçın 79-cu dəqiqəsində meydandan qovulub. İntizam Komitəsi diskvalifikasiyadan əlavə "Real Madrid"i 700 min, Vinisiusu 600 min avro cərimələyib.
Qeyd edək ki, qarşılaşma "Real"ın 2:1 hesablı qələbəsi ilə başa çatıb.
