İsrail ordusu tərəfindən Qəzza zolağında saxlanılaraq həbs olunan 10 fələstinli azad olunub.
"Operativ Məlumat Mərkəzi-OMM" xəbər verir ki, HƏMAS hərəkatı azad edilən 10 nəfərin siyahısını paylaşıb.
Azad edilən fələstinlilərin səhhəti ilə bağlı heç bir məlumat verilməsə də, onların İsrail həbsxanalarında işgəncə və aclıq gördüyü bildirilir.
Qeyd edək ki, İsrail ordusu 2023-cü il oktyabrın 7-dən başlayaraq Qəzza zolağında qadın, uşaq və səhiyyə işçiləri də daxil olmaqla minlərlə fələstinlini həbs edib.
