Qazaxıstanın yeni səfiri Maqjan İlyasov etimadnaməsini ABŞ Prezidenti Donald Trampa təqdim edib.
"Operativ Məlumat Mərkəzi-OMM" xəbər verir ki, bu barədə diplomat X-də paylaşım edib.
“Prezident Trampa etimadnaməmi təqdim etmək və Qazaxıstanla ABŞ arasında Genişləndirilmiş Strateji Tərəfdaşlığın daha da gücləndirilməsi öhdəliyini bir daha təsdiqləməkdən şərəf duyuram”, - Maqjan İlyasov bildirib.
O qeyd edib ki, Vaşinqtonda keçirilən C5+1 Zirvə görüşünün nəticələrinə, eləcə də Qazaxıstan Prezidenti Kasım-Jomart Tokayev ilə ABŞ Prezidenti Donald Tramp arasında Oval Ofisdə baş tutan yüksək səviyyəli ikitərəfli görüşə əsaslanaraq bu tərəfdaşlığı növbəti mərhələyə yüksəltməyi hədəfləyir.
Səfir vurğulayıb ki, Qazaxıstan və ABŞ arasında əməkdaşlıq və komanda işinin inkişafını səbirsizliklə gözləyir.
