Qazaxıstan Prezidenti Kasım-Jomart Tokayev İtaliyaya rəsmi səfərə gedib. Onu Quirinal sarayında İtaliya Prezidenti Sercio Mattarella qarşılayıb.
"Operativ Məlumat Mərkəzi-OMM" xəbər verir ki, bu barədə Akordanın (Qazaxıstan Prezident Administrasiyası) mətbuat xidməti məlumat yayıb.
Bildirilib ki, səfər çərçivəsində Tokayev Baş nazir Corcia Meloni ilə də danışıqlar aparacaq, İtaliyanın bir sıra iri şirkətlərinin rəhbərləri ilə görüşdə iştirak edəcək.
Qeyd edək ki, Kasım-Jomart Tokayev yanvarın 19-da Vatikanda Roma Papası I Fransisk ilə görüşəcək.
Xatırladaq ki, bundan əlavə, Tokayev BMT-nin Ərzaq və Kənd Təsərrüfatı Təşkilatının (FAO) və Ümumdünya Ərzaq Proqramının (ÜƏP) qərargahlarına baş çəkəcək.
