Azərbaycan çempionu “Qarabağ” bu gün növbəti avrokubok oyununu keçirəcək.
"Operativ Məlumat Mərkəzi-OMM" xəbər verir ki, Ağdam klubu Avropa Liqasının qrup mərhələsinin III turunun matçına çıxacaq.
Qurban Qurbanovun yetirmələri I dövrədəki son görüşündə “Bayer”lə qarşılaşacaq. İlk iki turda qələbələri sıralayan rəqiblərin qarşılaşması liderlərin dueli olacaq.
Bundesliqada da liderlik edən Xavi Alonsonun yetirmələri təkcə matçın deyil, Avropa Liqasının favoritlərindən sayılır. “Qarabağ” çətin rəqiblə görüşdən xalla dönmək üçün mübarizə aparacaq.
